တဲက်ထွားရွဉ်တောင်ꩻပူႏပြွစ်ꩻ

ကထွိုင်ႏထွာလွဉ်ယိုစားတဲင်တွော့ꩻ ထာꩻမာꩻသားစူခꩻထာꩻမာꩻခꩻဖုံႏ အစိုႏရတဲ့ဖေႏပွုံႏမဲဉ်ႏနွောင်ꩻဒွုမ်တဲင် ထွုတ်ထေထန်ႏအာတေားရွဉ်တဲင်တွော့ꩻ ရွဉ်အငိုꩻတန်ႏဖိုႏနောဝ်ꩻ ကွဲလင်ꩻလင်ꩻစွဉ်ႏသွူ။တဲက်ထွားနေးထာꩻမာꩻအာႏခꩻတဲ့ ကွန်ႏတခြိုꩻတွမ်ႏထေင်းထမ်ႏခꩻယို နုဲင်းခြောင်းတဖြုံႏတဲ့ အဝ်ႏပြောင်ꩻလုဲင်ႏနွောင်ꩻဒျာႏသွူ။နုဲင်းခြောင်းအကိုကပါသော့ꩻနောဝ်ꩻတဲ့ ကွန်ႏတခြိုꩻဖုံႏ၊ထာႏအံႏအွꩻဖုံႏ၊အကွဉ်အကꩻဖုံႏ၊နားဟွိုန်စုဖုံႏ၊လမ်းငင်းဖုံႏ၊ခြွိုင်းသန်ꩻရေꩻတွမ်ႏပညာႏရေꩻအပဲင်ꩻဖုံႏယိုတဲ့ လိုႏထွိုက်သင်ꩻအငိုꩻခွိုင်းယိုခွိုင်းနဝ်ꩻ စွဲးကမ်းရဲးကမ်းအီအတာႏ ကအွဉ်ႏထွော့ပမာဏယို အသမ်းလွိုထိုꩻတဲင်တွော့ ထေထန်ႏဗာႏအာအာတေား ရွဉ်တောင်ꩻဖုံႏမꩻ စွဲကမ်းခင်ႏလမ်းနဝ်ꩻကိုတဲင် လိုꩻတွမ်ႏစွဲးကမ်းတခြိုꩻတရျားတဝ်းတဲင်တွော့ꩻ ရွဉ်တောင်ꩻပူႏပြွစ်မုထွာဗာႏသွူ။ အနယ်ꩻပညာႏထေထန်ႏချာဒျာႏ ကွန်ႏတခြိုꩻစက်ရွုံႏအဝ်ႏအာအာတဲ့ ထေချာသွုံꩻချာနောဝ်ꩻစားနဝ်ꩻ အဆင်ႏပြေႏမုအဝ်ႏသွူ။