ဒေါ့ꩻထောပ်ꩻအီငေါဝ်း
ဒေါ့ꩻထောပ်ꩻအီငေါဝ်း (အဉ်းဂလစ်: Tongue Twister) ယို ထွာ ငေါဝ်းဒေါ့ꩻလွူꩻပဆိုး ယမ်ဖေႏနေး ဒေါ့ꩻမွိုင်ထာꩻ ကထောပ်ꩻအီတာႏသွူ။ ထွာ ငေါဝ်းဗူႏ ဝင်ꩻကရဲန်ꩻခါꩻ ဒေါ့ꩻမွိုင်ရအီးခုဲင်ႏဖုံႏ။ ထာꩻယိုတဲ့ အမာꩻပျော်ႏသွင်ႏဖေႏဒါႏလိုꩻသꩻ။ ပအိုဝ်ႏနေးကိုနောဝ်ꩻ ဝင်ꩻကထွောန်ႏဒေါ့ꩻပဆိုး လိုꩻပေႏဖုံႏ နုဲင်း"ပြူးလာႏယွဲး ယာလာႏယွဲး" ဖုံႏ၊ "ဒဲန်စော့ကြုံး တကလွီႏလင်ꩻကောင်"ဖုံႏယို ထွာ ထာꩻဒေါ့ꩻထောပ်ဒါႏအီငေါဝ်းယဟန်ႏသွူ။
နီသွောန်းသီးဖဲ့ꩻ ဖြောဝ်ꩻဒုံမဉ်ꩻ လွယ်စဲင်း အောဝ်ႏတဒုံ၊ ပအိုဝ်ဟဲ့ꩻ ကောင်ကြေင်း။ ပအိုဝ်ႏပေႏဖုံႏ ဒေါ့ꩻပဆိုးဒါႏစွော့ꩻစွော့ꩻအီ "ကောင်ကြေင်းကွင်ꩻကို ကြုဲင်လွုမ်းလျက်" နုဲင်းနောဝ်ꩻတဲင် ပေါႏဟွိုန် ဒေါ့ꩻမွိုန်ထောပ်တောဝ်းနောဝ်ꩻ နက် ငရောင်ငီꩻဝင်ꩻဖုံႏ။
ပဉ်ဖြာꩻဖြာꩻနောဝ်ꩻ ဒေါ့ꩻပဆိုးလုဲင်ႏ ငေါဝ်းရဲန်ႏ ဝါကျ ဗူႏခါꩻတွမ်ႏ လိတ်အက္ခရာႏတဖြုံႏစား။ ဒေါ့ꩻပီနုဲင်း "သီသိုႏသဲင်သူꩻ သီသဲင်ꩻသော့ꩻသွော့ သီသိုႏသုမ်းသူꩻ" ယိုနောဝ်ꩻတဲ့ နာႏသား ပယွုမ်းအီဗာႏထာꩻနေနေ။ ထာꩻယိုစားနောဝ်ꩻ မန်းငေါဝ်းကိုတဲ့အောဝ်ႏ၊ အဉ်းဂလေက်ငေါဝ်းကိုတဲ့ အောဝ်ႏနေနေ။
ထုဲင်ꩻ ငေါဝ်းတွိုင်ꩻအအောဝ်ႏခါꩻ မုဲင်းဟေန်ႏလုံꩻသိုပ် မုဲင်းလင်နံႏတာꩻ မိန်ႏတထီႏတောဝ်းဒွိုန်းတရာꩻတွိုက် (ကောမ်ႏသော့ꩻလိုꩻသီ) မဲ့ထီသေꩻလငါꩻတောဝ်းထာꩻ အခရာႏနောဝ်ꩻ လိုꩻတဖြာꩻဝင်ꩻဖေႏသꩻတိꩻ မိန်ႏမာꩻအစားယိုမဲ့နီနမ်းအီႏခိုးလျားဗာႏ စစွောန်ႏနေးနောဝ်ꩻ နောဝ်ꩻယွုမ်းတောဝ်း နမ်းထွိုင်ႏ ခံႏဗာႏမꩻကွဲးသေနမ်းဝင်ꩻကဖေႏသꩻတိꩻခါꩻနောဝ်ꩻသွူ