ပညာႏရေꩻစနစ်ကိုကူꩻတောက်နေး

ကိဉ်းအာအာသွဉ်ပညာႏအနေင်ႏစနစ်ကို ကူꩻတောက်နေးလိုꩻတဖြာꩻလိတ်ယာႏဖုံႏယို တလိုႏငါႏတဝ်းသွူ။ကွဲတဲင်တွော့ꩻ ပညာႏရေꩻစနစ်ယဟန်ႏနောဝ်ꩻ အခိန်ႏတွမ်ႏအခိန်ႏဒျာႏ၊ဘာႏသာႏအလွောက်ꩻဖုံႏ သွဉ်ထူႏလွေꩻဒျာႏ အနယ်ꩻနေးစားသွူ။ဆရာႏဖုံႏအမဉ်ႏကေႏလယ်ႏငါႏနဝ်တဲ့ အထွဉ်ႏကူꩻတောက်ꩻနေးစားတဲ့အဝ်ႏသွူ။ ဥပမာႏအနေႏသနယ်နောႏ—— ဆရာႏသီးအမဲဉ်ထွဉ်ႏကူꩻနေးတဲင် ကျောင်သင်ပုန်းလောင်းကသွဉ်နယ်ဒါႏအတွိုင် ကူꩻလွဉ်ꩻသွော့နဝ်စားသွူ။ အမတ်ဖေႏကဗွေတဲင် ထွဉ်ႏကူꩻတဲမ်းတိဉ်ႏကျနေးစားတဲ့ႏအဝ်ႏသွူ။ ကျောင်ꩻလင်ဖုံႏယဟန်ႏနောဝ်ꩻ ဝွေꩻသီးကလွေꩻဒါႏပညာႏရေꩻစနစ်ယို အုံနောင်တဲမ်းကူꩻနေးစား၊တဲမ်ႏထန်ႏတေားအလင်နေးစားတဲ့နောဝ်ꩻ ဝွေꩻသီးတလက်ခံႏတဝ်းတဲ့အောဝ်ႏသွူ။ ပညာႏရေꩻစနစ်ကိုကကူꩻတောက်ꩻနေးနဝ်ꩻတဲ့ ကိဉ်းအာအာ နုဲင်ႏငံႏတန်ဖုံႏ တွမ်ႏလိတ်တွမ်ႏထာꩻမာꩻ အောဝ်ႏသွဉ်တွယ်ꩻနေးလို့ဝင်ꩻ နောဝ်ꩻစားတဲင် လိုꩻပေႏသီးစွန်ꩻထီယို တလဲင်ႏချင်ꩻလꩻစွဉ်ႏနီဖဲ့နီခဝ် နဝ်စားတဲ့ ဝွေꩻသီးဖောႏနယ်ဒျာႏနေနေသွူ။