ရာႏသီႏဥတုထွားခင်

နီလိုꩻသီးကအဝ်ႏအုံသော့ဒါႏ အာဖရိကတနွိုင်ကို တွမ်ႏခယ်ႏသီးကအုံဒါႏကောင်လောင်းနောဝ်ꩻ ရာႏသီႏဥတုတွမ်ႏထွားခင်ဖုံႏ၊အသက်မွံဗန်လွူးနမ်းဖုံႏနောဝ်ꩻ ဖြာꩻမျိုꩻဖြာꩻစီႏ တဗွိုန်ညီႏတဝ်းလို့ဝင်ꩻ အောဝ်ႏအာတန်ဒျာႏသွူ။လိုꩻကအုံဒါႏရန်ႏကုန်ႏတဲ့ တွမ်ႏလိုꩻကအုံဒါႏပင်ႏလယ်သောင်ဖုဲင်းနောဝ်ꩻတဲ့ တဗွိုန်ပီတဝ်းဝင်ꩻနေနေသွူ။အွိုးသူတဖဲ့ꩻတခဝ်ဒေႏသဖုံႏနောဝ်ꩻ အခင်ႏလမ်းတွမ်ႏဌာနဖုံႏ၊ထွားခင်ဖုံႏ၊ရာႏသီႏဥတုဖုံႏနောဝ်ꩻ ကွပ်တဗွိုန်တောဝ်းလို့ဝင်ꩻဖုံႏသွူ။ ရာႏသီႏဥတုထွားခင်ဖုံႏယို ဝွေꩻသီးတွမ်ႏဝွေꩻသီးတဲ့ ဖန်ဆင်မုတရေꩻထွူဒျာႏသွူ။အဖန်ဆင်နွောင်ꩻချာအတရေꩻနေးမုဲင်ꩻစားဟောင်းတဲ့ တွမ်ႏသေင်ႏဝါႏဖုံႏ၊ထီခြောင်ထီနောင်ဖုံႏ၊ယူးဝါးသတ္တဝါႏဖုံႏ၊တွမ်ႏလုံးလဲင်းကောင်တန်ဖုံႏယို ဝွေနမ်းတွမ်ႏဝွေꩻသီးနမ်းနဝ်ꩻ နမ်းပဲင်ထာꩻတရေꩻဖုံႏယို ဖန်ဆင်ချာဒျာႏသွူ။ ကယားကုဲင်သားက နီလိုꩻသီးဖုံႏဒျာႏကိဉ်းအာအာသွူ။နီလိုꩻသီးသꩻလောဘတန်ယို လိုႏထိန်ꩻလꩻလꩻငါႏသွူ။ထိန်ꩻမဉ်ႏလꩻတဲ့ တွမ်ႏအသောင်အရင်ꩻတရေꩻတင်ႏတယ်ႏတဲ့ဗွိုန်ဗွိုန်လဲဉ်းဝင်ꩻသွူ။