သတင်ꩻအရွီးအခိုႏ

နုဲင်းယိုကိုကအွဉ်ႏနယ်တဲ့ အဝ်ႏသွံချက် သွံဗာႏသွူ။ အဝ်ႏလိတ်အုတ်စောင်ႏကိုနဲ့၊သတင်ꩻဂျာနယ်ကိုနဲ့၊လိတ်မဲ့ငါလဲင်းလောင်နဲ့ ယိုစားဖုံႏနဝ်ꩻ ထွာရီးရီးသတင်ꩻအရွီးတွမ်ႏအခိုႏသွူ။ ကအွဉ်ႏနယ်ဒါႏအရွီးအခိုႏတဖဲ့ꩻတခဝ်ယို နီအုံနောင်ထွိုက်ဒါႏကျမ်ꩻယို လꩻလဲဉ်းနဲ့လꩻတားနဲ့ဟောင်း။လလွဉ်ꩻလဲဉ်းယိုစားတဲင် နီမာꩻထွိုက်ဒျာႏ ကျမ်ꩻတဖဲ့တခဝ်တဲ့ အဝ်ႏလꩻဒျာႏနေနေအကျောင်ꩻသွူ။ ကလꩻလွဉ်ဒါႏအဖဲ့ꩻအခဝ်ဖုံႏယို ကထွိုင်ႏအွဉ်ႏစုခြွဉ်းတဲင် ကိဉ်းအာအာတဲ့အဗွိုန်ဒျာႏတဲင် နီမာꩻလွေꩻအုံနောင်ကျမ်ꩻတဗာႏအနေႏနဝ်ꩻ လဒျာႏသွူ။ ကအုံနောင်ဒါႏကျမ်ꩻစာႏရင်ꩻဖုံႏယို တဲက်ထွားယဲက်ထွားချာငါလို့ဝင်ꩻထွူတဲင် မွေးမဲဉ်ႏဒျာႏသတင်ꩻ၊စဲစ်မဲဉ်ႏဒျာႏအရွီးအခိုႏဖုံႏဒျာႏတဲင် သေႏချာႏလဲဉ်းနဝ်ꩻစားတဲ့ နီကမာꩻဒါႏကျမ်ꩻတဲ့နဝ်ꩻ၊ကတဲမ်းဒါႏကျမ်ꩻတဲ့နဝ်ꩻ စာႏရင်ꩻဖုံႏယို တဲမ်းနယ်ဖောႏနယ်ထန်ႏလꩻလဲဉ်းဒျာႏသွူ။