သုတေသနငဝ်းရီမွံဗန်ထင်ႏထိုလွေꩻ

အရီးသွတ်ꩻပထမခင်ႏကာသုတေသနငဝ်းရီထာꩻမာꩻရဲန်ႏအကိုယို ဆွုံꩻဖျတ်အွဉ်ႏထွော့လွေꩻကတူႏစဲန်ႏယဟန်ႏတွမ်ႏ သုတေသနသီးအတာႏအဗွိုန်ရာꩻဖုံႏနောဝ်ꩻသွူ။လွိုက်ရွေꩻနွောင်ꩻဒျာႏကထွာနွောင်ꩻရာꩻကတူႏစဲန်ႏတွမ်ႏကလွောက်ꩻဖက်ရာꩻ ထာꩻမာꩻတွမ်ႏကအီႏလွေꩻစုသုတေသနဖုံႏနဝ်ꩻသွူ။ တွမ်ႏကတူႏယူႏစွေးကထွꩻနွောင်ꩻကတူႏစဲန်ႏတွူတဲင် မာꩻဗာႏသုတေသနအထွာအကုဲင်ဆꩻချာဖုံႏတဲင် သွဉ်ထူႏလွေꩻလွိုယင်းအကျောင်ꩻခရာႏကတူႏစဲန်ႏတဗာႏဗာႏတွမ်ႏကလွောက်ꩻသင်ꩻရာꩻဆွုံꩻဖျတ်အီတာႏသွူ။နီသုတေသနယို ဖေႏကဒွေါင်ႏဖေႏကဖြွောင်ႏအဝ်ႏငါတဗာႏငါထွူတဲင် အွဉ်ႏထွော့ကတူႏစဲန်ႏတဲ့ဖေႏကစဲင်း တွမ်ႏတဲမ်းလွေꩻသုတေသနငဝ်းရီအကျောင်ꩻခရာႏကတူႏစဲန်ႏသွူ။သုတေသနငဝ်းရီယို အဆေ့ꩻတွမ်ႏအအာတဲ့ အီႏဖြေႏအီချာအတာႏနောဝ်ꩻ အဝ်ႏခါꩻမꩻလꩻသွူ။ဥပမာႏ လိုꩻဖုံႏကရီလွဉ်ငဝ်းရီဖုံႏယို ဖြေႏချာဗာႏအဖြေႏနဝ်ꩻစားသွူ။ သုတေသနခင်ခမ်းကို ခြွိုင်းသန်ꩻရေꩻတွမ်ႏသဘာႏဝအသောင်အရင်ꩻဖုံႏသွူ။