သꩻတနွော့ꩻ၊သꩻတဖုံဖေႏကထွာဗာႏမွိုန်း

အမုဲင်(၁)–အရေꩻကီꩻတခြိုꩻဖုံႏယို ဖျင်ဗာႏစောဝ်းစောဝ်း

နီကလိုႏအပ်ဒါႏတခြိုꩻဖုံႏတရိုꩻတောဝ်း၊ ဖျင်ဆင်ခါꩻစောဝ်းစောဝ်းဗာႏ ပွိုးတမုဲင်ꩻနဲးတဲင် ယလဲင်ႏလဲင်ႏနောဝ်ꩻ တထင်ႏမတ်တောဝ်းအဆုဲင်ꩻသွတ်ꩻအခိန်ႏ ပြောင်ꩻလုဲင်ႏဒါႏနောဝ်ꩻသွူ။ဥပမာႏ ကအီႏသွုံꩻအီဒါႏတခြိုꩻ ပရော်ဂျက်တာတထင်းတဝ်းသမ်းထူႏသွုံꩻဗာႏ ကွဲတွော့ꩻ မဥ်ႏတအောဝ်ႏတောဝ်း တားလဲ့အမဥ်ႏကုဲင်မွိုင်။မဥ်ႏဖျင်ခါꩻစောဝ်းဗာႏနောဝ်ꩻ နီအီႏမာꩻဒါႏဒင်ႏပျနယ်မုယို ပရော်ဂျက်တာပါတောဝ်းလဲ့ ထူႏသွုံꩻလုဲင်ႏတခြိုꩻလင်၊ပြောင်ꩻသော့ꩻလုဲင်ႏတခြိုꩻလင်နောဝ်ꩻ အခိန်ႏအီႏအောဝ်ႏသွူ။မဥ်ႏကျုံႏစွော့ꩻဒါႏအခိန်ႏနောဝ်ꩻစားနောဝ်ꩻ အီႏဒင်ႏဆက်နယ်ပရိသတ်အတာႏ နီကအီႏမာꩻဒါႏထာꩻမာꩻယို တွမ်ႏလိတ်လာႏပေႏပေႏတရိုꩻတောဝ်းတားလဲ့ တဲမ်းဒင်ႏနေးဗေားလောင်းတဲင် ဒင်ႏပျꩻနယ်နေး တွမ်ႏတခြိုꩻလဒျာႏသွူ။

အမုဲင်(၂)–ဆောင်ႏခရာႏတွမ်ႏသျောင်ႏခရာႏဖုံႏ

ဒင်ႏဆက်မုယို တမာႏဒွိုန်းအခိန်ႏတဲ့နောဝ်ꩻ၊အောဝ်ႏမာꩻအခိန်ႏတွင်ꩻတဲ့နောဝ်ꩻ အောဝ်ႏလိုႏသာကွို့ꩻကွို့ꩻငါႏတလီꩻနောဝ်ꩻသွူ။မဥ်ႏသာကွို့ꩻကွို့ꩻတလီꩻမꩻ နီသွိုန်ႏသꩻယိုခွꩻရျူႏရောင်းတဲင် ဒင်ႏပျꩻနယ်ဖုံႏယို သꩻတနွော့ꩻ၊သꩻတဖုံအဆေ့ꩻဖ အယွမ်ꩻထိုꩻဖသွူ။အွꩻအာဗာႏတောဝ်းကော်ဖီဖုံႏ၊ဖျော်ႏထီအနွိုးဖုံႏ ခါႏလားနီတမာꩻဒွိုန်းအတွင်ꩻနောဝ်ꩻသွူ။ယိုစားနောဝ်ꩻအမာꩻအာထဲင်းနီ သတနွော့ꩻ၊သꩻတဖုံ၊အမာꩻမွိုင်အီနီငေါဝ်းဖုံႏ၊အမာꩻရွိုးအီနီသွူ။

ကမဲဥ်ဒေါ့ꩻရိုꩻနောဝ်ꩻတဲ့ ပေါႏဒေါ့ꩻဖြောဝ်ႏသွူထာꩻ လိုꩻအာဆꩻငါနောဝ်ꩻ နီအီႏမာꩻဒါႏအစီႏအစဲဥ်ႏတဗာႏဗာႏယို ဖျင်ဆင်သေꩻခါꩻရီးမꩻ၊မာꩻစံꩻရီးမꩻ တွမ်ႏအချက်ကီယိုအတွိုင်ꩻ မဥ်ႏသွုံꩻလွေꩻနောဝ်ꩻ အဒေါ့ꩻယံသားတဖြာꩻ ထွာဗာႏအမန်ႏသွူ။တဲမ်းပြန်ဘာႏသာႏလိတ်အုတ်ကိုနောဝ်ꩻ သွဥ်ထူႏမုစွန်ꩻထီ,ကျောင်ꩻသားခွုမ်လိတ်အုတ် အခန်ꩻ၆