အင်္ဂလိပ်လိုꩻမျိုꩻသီးခံႏထူႏချက်

. မာꩻလဲဉ်းတဲ့မာꩻမွေးမွေးဒျာႏ ယူႏအာငါႏဒွုမ်ထာꩻတဲင် မာꩻခရာႏအဝ်ႏမျိုꩻမာꩻသွုပ်လွေꩻလွေꩻဒျာႏနောဝ်ꩻ ဝွေꩻသီးလိုꩻမျိုꩻသွူ။

. လိုꩻတဖြာꩻဒေါ့ꩻငေါဝ်းယို ဆွုံꩻဖျတ်ကြွို့ꩻတဝ်းအမွေးမဲဉ်ႏ၊နမ်းတွမ်ႏနမ်းထွုမ်ႏထွောင်ချာထွုမ်ႏချာအဖြေႏနောဝ်ꩻ ဝွေꩻသီးလိုꩻမျိုꩻဒျာႏသွူ။

. ဒီမိုကရေစီကရိုနောဝ်ꩻ ထွိုက်တန်ႏဒျာႏနီလွောက်ꩻနာႏဥပဒေႏစီꩻကန်ꩻသားတာႏဒျာႏ ဒေါ့ꩻရီခြဝ်ငေါဝ်းနောဝ်ꩻ ထွူထွာတဝ်းနီတဖြာꩻယို သွဉ်အုံလွေꩻစီꩻကန်ꩻအဝ်ႏအဝ်ႏမꩻတဲ့။

. အခိန်ႏလွေꩻ၊အခိန်ႏမာꩻ၊အခိန်ႏအုံပဆား၊အခိန်ႏတွမ်ႏအခိန်ႏပွုံႏမဲဉ်ႏစွုမ်ႏနီꩻ ကအဝ်ႏရုဲင်ꩻတသွိုးဒါႏလိုꩻမျိုꩻနောဝ်ꩻ ဝွေꩻသီးဒျာႏသွူ။နုဲင်းမုဲင်စားနဲးတဲင် အခိန်ႏကရိုꩻတန်ႏဖိုꩻအဝ်ႏငါႏတဲ့။

. ဒေါ့ꩻဆေ့ꩻဆေ့ꩻလွုမ်ꩻ မာꩻနယ်နေးဒျာႏတွမ်ႏထာꩻမာꩻနောဝ်ꩻ၊လိတ်တက္ကသိုလ်ႏတွမ်ႏဖဝတက္ကသိုလ်ႏယို အွဉ်ႏရေꩻအာဒျာႏဖဝရေꩻရာႏနောဝ်ꩻ ဝွေꩻသီးလိုꩻမျိုꩻဒျာႏသွူ။ နဝ်ꩻမ အင်္ဂလိပ်လိုꩻမျိုꩻသီးခံႏထူႏချက်နောဝ်ꩻ ကခံႏထူႏအတွိုင်ꩻတဲ့ ပေႏပေႏတန်တန်ကားကအဝ်ႏ တဗူႏတစုဒျာႏတဲင် ဝွေꩻသီးလိုꩻမျိုꩻငေါဝ်းငွါဘာႏသာႏနောဝ်ꩻ လဲင်ꩻဒို့ꩻတခြို့နွောင်ꩻစွဉ်ႏကမ္ဘာႏသွူ။ ထင်းတန်ဝင်ꩻလိုꩻမျိုꩻမွေးတဝ်းနေား လိုႏလွူးနုဲင်းငါႏသဓာတ်နုဲင်းဝွေꩻသီးဒျာႏသွူ။