Muzikaj ĝenroj

Okcidenta Klasika Muziko

La ĉefaj ĝenroj de okcidenta klasika muziko estas:

Orkestra Muziko

la konĉerto: verko por soloisto aŭ soloistoj kaj orkestro, ofte en tri movimentoj - rapida (en sonata formato), malrapida kaj rapida
la simfonio: verko por orkestro, ofte en kvar movimentoj - rapida (en sonata formato), malrapida, skerco aŭ menueto, kaj rapida
aliaj verkoj por orkestro, ekzemple
- la uverturo: relative mallonga orkestra verko, kiu ofte estas enkonduko al opero aŭ oratorio sed foje estas sendependa
- la sonpoemo: verko kiu elvokas pejzaĝon aŭ eventojn
- la orkestra sŭito: verko en pluraj movimentoj, ofte kun danca etoso kaj en la sama tonalo

Ĉambra Muziko

Ĉambra muziko estas por grupeto de ludantoj, kiuj ĉiuj ludas individuajn partojn. La termino devenas de la fakto ke inicie ĉambra muziko estis ludata en ĉambroj de privataj domoj. Oftaj varioj de ĉambra muziko estas:

la kvarteto por kord-instrumentoj (kutime du violonoj, aldo kaj violonĉelo)
la kvinteto por kord-instrumentoj (kutime aŭ du violonoj, du aldoj kaj violonĉelo, aŭ du violonoj, aldo kaj du violonĉeloj)
la triteto por kord-instrumentoj (kutime aŭ du violonoj kaj violonĉelo, aŭ violono, aldo kaj violonĉelo)
la piano-triteto (kutime por piano, violono kaj violonĉelo)
la piano-kvarteto (kutime por piano, violono, aldo kaj violonĉelo)
la ĉambra sonato, ĝenerale por piano kaj unu alia instrumento

Verkoj por instrumentaj soloistoj, inkl.

la sonato: verko por unu aŭ du soloistoj, ĝenerale en pluraj movimentoj
la preludo: memstara mallonga komponaĵo en libera formo
la preludo kaj fugo
la nokturno: melankolia komponaĵo
la sŭito: verko en pluraj movimentoj, ofte kun danca etoso

Teatra muziko

la opero: kantata teatraĵo
la opereto: ne tro serioza vario de la opero
la baleto: teatra dancaro

Kantata muziko

la oratorio: verko por ĥoro kaj orkestro, kaj ofte soloixstaj kantistoj. La plejmulto da oratorioj traktas religajn temojn
la kantato: simila al la oratorio, sed pli mallonga
la kanto, ĝenerale por soloisto kaj piano
la part-kanto, por pluraj voĉoj
la kant-ciklo: sinsekvo da kantoj, kutime kun komuna temo kaj por soloisto akompanata de piano aŭ orkestro
muziko por diservoj, inkl.:
- la meso (ĝenerale en kvin movementoj - Kyrie, Credo, Sanctus, Benedictus kaj Agnus Dei)
- la rekviemo: meso por la mortintoj
- la antemo aŭ moteto: mallonga verko kantata dum diservo
- la kantiko: liturgia muziko por ekz. la Magnificat aŭ la Te Deum