Enkonduko en la aŭtomatan daten-prilaboradon/Kodado de senaranĝaj tekstoj
Kodado de datenaj tipoj: Senaranĝaj (senformataj) tekstoj
editSenaranĝaj tekstoj, produkteblaj ekzemple per simpla redaktilo, enhavas
- literojn majusklajn kaj minusklajn
- ciferojn
- interpunkciojn
- la stirsimbolojn "nova linio", "reveno" (al la komenco de linio), "tabo" (tabelsalto).
Pri la signo de linifino
UNIX kodas la finon de linio per "nova linio"; DOS/Vindozo kodas ĝin per la kombino "nova linio" + "reveno". Apple-komputiloj uzas la "revenon".
Ne prezenteblas diversaj litergrandecoj kaj -tipoj, grasa, oblikva, kursiva, altigita aŭ malaltigita skribo ktp.
Por kodi la literojn de la baza latina alfabeto, tamen sen specialaj signoj de diversaj lingvoj (ekzemple ä, ö, ü, ß, à, ñ, ă, ĉ ktp., establiĝis normigita kodo, la American Standard Code for Information Interchange ("Usona norma kodo por inform-interŝanĝo"), akronime ASCII (Askio). Tiu ĉi kodo kaj diversaj plivastigoj de ĝi estas nun tre vaste uzataj; nur kelkaj komputilegoj ankoraŭ uzas alian kodon. ASCII kodas signojn en la malaltaj 7 bitoj de bajto; la unua bito estas ĉiam 0. Tiel disponeblas 27 = 128 malsamaj kombinoj, nome la bajtoj 0 = 00000000 ĝiis 127 = 01111111. La preseblaj signoj uzas la bajtojn 32 (spaceto) ĝis 126 (~); la aliaj signoj estas uzataj kiel reg-signoj. Ekzemple "nova linio" kaj "reveno" estas reg-signoj.
Pri Askio ekzistas artikolo en Vikipedio.
La finon de dosiero sub DOS/Vindozo markas speciala reg-signo, la bajto 26. UNIX simple memoras la precizan longecon de la dosiero kaj tial ne bezonas specialan signon. Vi povas vidi en la jena tabelo, kiu montras la preseblajn Aski-signojn:
| 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | ||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 2 | ! | " | # | $ | % | & | ' | ( | ) | * | + | , | - | . | / | 3 | 0 | 1 | 2 | 3 | 4 | 5 | 6 | 7 | 8 | 9 | : | ; | < | = | > | ? | |
| 4 | @ | A | B | C | D | E | F | G | H | I | J | K | L | M | N | O | 5 | P | Q | R | S | T | U | V | W | X | Y | Z | [ | \ | ] | ^ | _ |
| 6 | ` | a | b | c | d | e | f | g | h | i | j | k | l | m | n | o | 7 | p | q | r | s | t | u | v | w | y | y | z | { | } | ~ | DEL |
Askio kapablas kodi literojn nur el la baza latina/angla alfabeto, sed ne aliajn literojn, ekzemple:
- diakritajn literojn, kie la baza litero estas modifita per iu aldonaĵo, ekzemple ä å ç ĉ ñ ŭ;
- ligaĵojn (ligaturojn), kie pluraj literoj estas kunmetitaj al unu signo, ekzemple Æ œ ß; nur la signo "&", konsiderebla kiel ligaĵo de "et", estas en Askio;
- literojn el ne-latinaj alfabetoj, ekzemple la Cirila, Greka, Araba, Tajlanda;
- simbolojn el ne-alfabetaj skriboj (ideogramojn), ekzemple Ĉinajn.
Por reprezenti tiajn simbolojn necesas vastigi Askion. Pri tio parolos la sekva leciono.
Specimenaj demandoj
